--------------------------------------------------------------------------------
مصر هي ...أم الدنيا
ومليون طظ في الإعلام
وفي اللي يقول غير كدا
مصر
مش عارف المصايب نازلة ترف على دماغ مصر ليه كدة
زي ما تكون مصر دي بنت البطة السودة واحنا مانعرفووش
من فترة قصيرة كدا اكتشفت حاجة غريبة جدا وغاية في الغرابة كمان!!
كنت بتكلم مع واحد عزيز جدا وصديق غالي جدا على قلبي
من البلد اللي بشتغل فيها (دولة خليجية )
كنا بنتكلموا عن مصر وكدة..وطبعا سالته سؤال رخم كالعادة ببقى قاصد منه
اعرف حاجة معينة!!
ايه رايك لو واحد مصري عايز يتجوز اختك او وحده قربتك؟؟؟
وزي ماكون ضربته بالنار ...قعد يولول ويصرخ وكان ناقص شوية وينط في كرشي
ورده كان غريب جدا وصدمة نزلت عليا من السما السابعة
استحالة طبعا اقبل مصري او حتى لبناني او تونسي !!!
ومالو المصري بقى يا ..... ؟
المصري في عين ......هو راجل ماعندوش نخوة ماعندوش كرامة ماعندووش احساس
المصري في عين ابن الخليج مجرد راجل منافق ونصاب وحرامي
المصريين في نظره مجرد شوية حثالة عاداتهم زبالة وتقاليدهم زفت
بطبيعتي اساسي يعني مش حسكتله ...واذا كنت انت معاك حجة انا معايا مليون
كان نفسي اخده من ايده واوريه رجالة مصر
اوريه رجالة اسكندرية وزيزينيا والدخيلة والقباري وبحري والمطرية وشبرا والسويس
كان نفسي اعرفه معنى الراجل المصري اللي بيقول عليه ماعندوش اي احساس بالنخوة
منين عرفت مصر يا ......؟ من الاعلام
شوفت فين الراجل المصري ؟ في مسلسل مش عارف ايه كدة
الاعلام بتاعنا ناقل صورة عننا غريبة جدا
يمكن يكون الاعلام مش صادق في معظم الاحيان
واكيد هو كمان استقبل وفهم الاعلام غلط ..مش عايز اقول كل بلد فيها وفيها والكلام ده
انا دليلي وحجتي مش بالكلام
انا دليلي بالفعل
رجالة مصر
خير جند الارض ..شجاعة بلا حدوود..كرامة لا غبار عليها
يمكن عندنا مشاكل سياسية في بلدنا بس مش معنى كدة اننا مش رجالة
فيفي عبده وهالة سرحان وسمية الخشاب مش هما دول المصريين يا ......
المصريين هما اللي مشوا الوطن العربي كله في يوم من الايام
المصريين اللي ليهم فضل على بلدك وبلد غيرك وكل الوطن العربي
في نقل العلم ونشر المعرفة
المصريين اللي حاربوا مرة واتنين وتلاتة
ولسة بيحاربوا لحد دلوقتي جوة بلدهم
رجالة مصر يا .....
مش سمير صبري وعمرو دياب وخالد ابو النجا
رجالة مصر عايز تشوفهم افتح اي كتاب علمي عندك اقري التاريخ شوف مين عملو اصلا
اكيد كل بلد فيها وفيها..بس ده مايمنعش ان الحكم على بلد بحالها عشان شوية اغبياء يبقى ظلم
كلمني عن مسلسل اطفال الشوارع وفلم حين ميسرة وقد ايه المسلسل والفلم ده نقطة سودة في تاريخ العادات والتفاليد المصرية
يمكن الاعلام بتاعنا بيهدف للربح والفلوس ومش حاطط في باله حكاية تشويه صورتنا دي
في السعودية والكويت والخليج مش متخيليين ان في في مصر رجالة عندهم نخوة وشجاعة واقدام
مع ان الراجل المصري خيره على الهند قبل باكستان
وحنروحوا بعيد ليه...ابني على كتفي واروح ادور عليه؟!!
الثقافة: كلنا عارفين ان الشباب المصري هو اكتر فئة مثقفة ومتعلمة في الوطن العربي كله
الفكر: رغم ان فكرنا مكبوت ومحبوس شوية لكن عمرنا ما كنا زي البهايم ناكل وننام
الاخلاق: اينعم عندنا مطربين ورقاصين وخلافو بس عندنا ناس لو اسمعك اساميهم تقع من طولك كفاية بس الشعراوي او محمد حسان
وفي كل المجالات الزويل والباز( الدين. العلم.الادب.الثقافة.الفكر.الفن)
الشجاعة:مش محتاجين نتكلموا عن الشجاعة يكفي اننا مرينا باختبارات والحمدلله نجحنا فيها
مصر مش مجرد مسلسل هايف مثله نور الشريف والا حلقة عملتها حنان ترك
مصر هي التاريخ بتاع الوطن العربي كله
مصر هي امك وام الدنيا كلها وامي انا كمان
مصر زي ما جابت فنانة صايعة والا مطرب متخلف
زي ما جابت رأفت الهجان والشعراوي والعقاد ..........
وغيرهم ملااااايييييييييييييييييييييييييييييييييييين
لو كان الاعلام بتاعنا مش قادر يوصل للناس قد ايه مصر فيها رجالة قادرة تغير وجه الكون
وبيركزوا بس على الراجل اللي اخته مش لابسة طرحة واللي امه مطلقة
يبقى الخلل من عندنا احنا مش من عند اللي بيستقبل الاعلام
الراجل المصري تعال اتفرج عليه في رمضان وفي الشوارع وفي البيوت
تعال اتفرج على الرجولة بجد
مش رجولة (تلك حدود الله فلا تقربوها) ويقربوها !!!!!!
تعال اتفرج على رجالة مصر بعقلهم الواعي المفتح وفكرهم الرجولي القوي
زي ماحنا بنشوفوا عندكم جواد العلي وزينب العسكري وراشد الماجد
زي مانتم بتشوفوا اشكال زبالة من عندنا
بس احنا مش بنحكم على شعب كامل من خلال شوية بهايم بتجري ورا الفلوس !!
انا مش عايز اعمل زيكم واحكم على شعب من خلال فئة خسرانة
بس حجيبلكم مثال
ادخلوا اي موقع عربي خليجي او عربي عامة ويكون في مقاطع بلتووووث
وما ادراك ما البلوتووووث
مافيش مقطع مصري ولو فيه مش حيجي صفر ع الشمال جنب المقاطع الخليجية واللي فيها
بس احنا ماقلناش ان الخليج كله كدة؟ ليه ؟ لاننا عاقلين وعارفين ربنا وعارفين كلامه كويس
(لا فرق بين عجمي واعربي الا بالتقوى)
احنا مش عايزين نفرقوا بين الخليج وبين المليج احنا بنتكلموا عن وحدة عربية
وانتم بيتفرقوا بينا وبينكم من خلال مسلسل اتفرجتم عليه!!
مش حتكلم عن مميزات الاعلام بتاعنا اكيد له مميزات طبعا
بس حطلب منكم انتم تتكلموا عن عيوب الاعلام بتاعكم
لو شايفين ان الدنيا كلها واقفة على راي واحد او اتنين او حتى الف خليجي او عربي
يبقى مش حقول غير كلمتين
مصر ام الكون كله ....مصر ام الدنيا بحالها
التاريخ شاهد على كدة انا مش بجيب حاجة من عندي
لكن كمان التاريخ بيقول ان انا نفسي ماشفتش ليكم اي تاريخ
انا ليا صحاب كتير جدا في السعودية والكويت والخليج كله وكلهم معايا في اللي بقولو ده
وانا مش بكره حد على حساب حد وعمري ما فكرت في العرب غير ان كلنا واحد
لكن مدام حيوصل الامر ان الاهانة تكون لشخصنا ورجولتنا والتشكيك فيها
يبقى سوري
طظ في اي انسان مايعترفش بان مصر ام الدنيا
والله حتتهموني بالجهل والانسياق والتسرع !!! مايهمنيش
انا الحاجة الوحيدة اللي تهمني (انكم اكيد متاكدين من صحة كلامي) بس كبرياءكم مخليكم مش شايفين
مش شايفين حتى تحت رجلكم
مش عارفين مين الي بينقل ليكم العلم والطب والهندسة والرياضة والادب
مصر زي ما فيها ايهاب توفيق وسمير صبري ومصطفى قمر
زي ما فيها اكبر وافضل علماء الامة ولا نذكي احد علي الله
مكنتش عايز اسلوبي يكون لازع كدة ..لكن اعذروني دي بلدي
وحتى لو مش بلدي
دي مصر
عارفين يعني ايه مصر
يعني مصر
وطظ في رايكم
وطظ في الاعلام
ومنه لله اللي في بالي !!!
وليه اقول اللي في بالي ...بيتهيالي انا مش ناوي اخاف تاني
ومنه لله الريس نفسه ...واللي يحصل يحصل
اللي رخسنا في كل حتة وغربنا وخلنا نشتغل
عند ده وده
ادي الرجالة المصرية يا جماعة
اللي في اقل من خمسين سنة مروا بمصايب لو مرت بيها اي بلد غيرنا كانت اختفت وانتهت
لكن احنا مكتوب لينا ماننتهيش
عارفين ليه
عشان احنا مصريين
مين هما المصريين
(مهد للديانات..انبيا ورسالات..لو كنوز الدنيا ما تسوى شبر واحد فيها)
(مذكورة في القران..طريق سلام وامان..ابراهيم والعذرا وعيسى ويوسف خطوا عليها
(طمعوا فيها كتير..بس دفعوا كتير..ارض طاهرة وليها رب كبير)
(من بداية الكون..ربك خلقها تكون..رزقها واسع وكلها خير)
ولو اي شعب اتحمل اللي احنا اتحملناه؟
انا موافق احترم رايكم او اتجاهله!!!!!
تحياتي
مصري وافتخر
السبت يوليو 18, 2009 9:20 am