بسم الله الرحمن الرحيم
مدخل :
قال تعالى:﴿ ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبٌِ ﴾
مادري الصراحة كيف اكتب الموضوع .. وكيف أبدأ ... لأن اللي يصير بالحرم شيء كبير والله والسكوت شيء أكبر ...
استهتار بالحرمة وبعظمة المكان ... مافيه اي شعور بالتقديس أو بالأغراض الأساسية للمساجد وهي العبادة والصلاة والتعليم ...
شيء يقهر من جد ويصدم لأن اللي نشوفهم يتهاونون بالحرم أغلبهم ( خليجيين ) يعني عليهم الشرهه الصراحة
الحين الحرم صاار صاالة أفرااح نسائية من عبايات كأنها فساتين ومكيااج وإكسسورات وماأدري شو ..
ليش وين جاااية انتي بالحرم استحي على وجهك حتى الأماكن المطهرة ماسلمت من التبرج والسفووور
طيب ووين رجال الهئية وين المسؤلين عن الشؤن الدينية بالحرم ليش مايمنعون دخول أي وحده عامله بهرجه بنفسها ولبسها ؟؟
والطاامة الكبرى .. لما نسمع الأغااني والموسيقى بنغمات الجوااال .. يطوف والجواال شغال أغاني ..
حسبي الله ونعم الوكيل .. يعني مافيه وضعية الصااامت على الأقل ؟؟؟
والأطفاال لاقين الحرم ملاهي .. صراخ ولعب وتزحلق في الأرض .. أحياناً مايقدر الواحد يصلي من صجتهم ...
ليش لأن أهاليهم جايبينهم يلعبوون مو يصلوون ومو يحسسونهم ان الحرم مكان مقدس لازم نحترمه ...
والساحااات صاايره مكان للتقهوي والتمشي والمغاازل وتباادل البلوتوثااات !!
هذا فيضٌ من غيث .. والا اللي يصير أكبر وأعظم .. لكن ليش كل هالإستهتار
ليش مانحس بالمسؤلية ومانسمح لأي تهاون تجاه الحرم لا منا ولا من كل اللي معنا ؟؟
ولما نشوف الخطأ مانتركه لحد مانصلحه
لو كنا ننصح ونتكلم هل كان الوضع بيوصل لهالدرجة ؟؟؟
كتبت الموضوع عشان شيئين
واحد : اننا نحس بالمسؤلية << طيب كيف ؟؟
اثنين : انتوا شو رايكم باللي يصير وشو اقتراحاتكم لحل للي يصير ؟؟؟
مخرج :
قال تعالى : ﴿ وَإِذْ بَوَّأْنَا لِإِبْرَاهِيمَ مَكَانَ الْبَيْتِ
أَنْ لَا تُشْرِكْ بِي شَيْئًا وَطَهِّرْ بَيْتِيَ لِلطَّائِفِينَ وَالْقَائِمِينَ وَالرُّكَّعِ السُّجُودِ ﴾
الجمعة يوليو 17, 2009 7:12 am